Жергиликтүү бийликтин маалыматына ылайык, административдик-территориялык реформа натыйжасында Беш-Терек айылы азыр Төрт-Гүл деген жаңы айылдык аймакка бириктирилди.
«Айылдын тургундары демилге көрсөтүп, суу сактагыч мунараны ашара ыкмасы менен калыбына келтирүү үчүн бирикти. Иш-чаралардын жүрүшүндө ички конструкциялар жыйналган калдыктардан жана керексиз материалдардан кылдат тазаланды. Ошондой эле суу түтүктөрүнүн системасы текшерилип, зарыл болгон оңдоп-түзөө иштери жүргүзүлдү. Санитардык-эпидемиологиялык кызматтын адистери мунараны жана суу сактагычтарды санитардык нормаларга ылайык атайын каражаттарды колдонуп дезинфекциялашты», - деп белгилешти айыл өкмөтүндө.
Бул демилге айылдын тургундарын таза ичүүчү суу менен камсыз кылууга жана суу менен камсыздоонун абалын жакшыртууга багытталган, деп баса белгилешти жергиликтүү бийлик.
Беш-Терек райондун борборунан 40 чакырым алыстыкта жайгашкан, калкы миңден ашык адамды түзөт.
