"Бул көзөмөл Кыргыз Республикасынын Экономика жана соода министрлигинин 2025-жылдын 7-августундагы № 140 буйругуна ылайык жүргүзүлүүдө, ал эт азыктарынын (сиыр жана кой эттери, сөөгү жок эттен башка) бааларына убактылуу мамлекеттик жөнгө салууну киргизет", — деп такташты мэриядан.
Бул демилгени ишке ашыруу үчүн Свердлов, Первомай, Ленин жана Октябрь райондорунун администрациялары, антимонопольдук кызматтын, ветеринардык кызматтын жана салык органдарынын өкүлдөрү менен биргеликте, базарларда жана соода жайларында туруктуу рейддерди жана мониторинг жүргүзүшөт.
Текшерүүлөр "ТРК Ош базары", "Орто-Сай", "Аламедин", "Дордой", "Азиз" базарларында, ошондой эле "Маркеты", "Глобус", "Азия" жана башка соода жайларында өткөрүлөт.
Мониторинг учурунда ишкерлер жана сатуучүлөр менен бааларды негизсиз жогорулатуу мүмкүн эместиги жана чектик бөлүштүрүү бааларын сактоо зарылдыгы боюнча түшүндүрүү иштери жүргүзүлөт. Сиыр жана кой эттеринин максималдуу баасын сактоого өзгөчө көңүл бурулат, ал 680 сомдон ашпашы керек.
Ошондой эле социалдык маанилүү баалар боюнча эт азыктарын сатуу үчүн соода жайларын делдалдарсыз берүү жана кошумча сатуу пункттарын ачуу сыяктуу ар кандай чаралар каралууда.
2026-жылдын 14-январынан баштап, Ош базарында этти оптом сатуунун токтотулушуна байланыштуу "Алтын-Така" мал базарында "Чүйгүн" аттуу жаңы эт павильону ачылды, ал санитардык жана ветеринардык талаптарга толугу менен жооп берет. Учурда эттин оптом сатылышы ушул павильондо жүргүзүлөт.
Мындан тышкары, ошол эле жерде "Таза адал эт" аттуу бөлүштүрүү павильону иштейт, анда тургундар сапаттуу жана коопсуз эт сатып ала алышат.
Эттин актуалдуу оптом баалары: кой эти — 640–680 сом, сиыр эти — 640–680 сом, ат эти — 540–560 сом. Бөлүштүрүү баалары 660 сомдон башталат.
Рейддер жана бааларды мониторингдөө туруктуу негизде жүргүзүлүп жатканын белгилеп өтүү керек.
