Кыргызстанда критикалык минералдар секторун өнүктүрүүгө багытталган мамлекеттик программа башталган, анын алкагында 22 негизги минерал белгиленген. Табигый ресурстар, экология жана техникалык көзөмөл министринин орун басары Асель Райымкулова бул маалыматты Жогорку Кеңештин комитетинин жыйынында билдирди.
Ал ошондой эле жер казынасын пайдалануу боюнча лицензиялар тууралуу маалыматтарды сунуштады.
«2025-жылы 320 лицензия жокко чыгарылган. Учурда өлкөдө 2014 лицензия иштеп жатат. Алардын ичинен 204 алтынды иштетүүгө, 43 металлдарга, 46 мунай жана газга, 367 көмүргө, 703 жер астындагы сууларга жана 651 минералдык эмес пайдалы кендерге арналган», - деп кошумчалады ал.
