«Акыркы беш жылда тармакта системалуу реформалар жүргүзүлдү, бул мамлекеттик көзөмөлдү күчөтүүгө мүмкүнчүлүк берди. 2024–2025-жылдарда 8 ири долбоор башталды, ал эми 2025-жылы 105 жаңы лицензия берилди. Учурда өлкөдө 2014 лицензия иштеп жатат», — деп белгилешти министрликтин өкүлдөрү.
Маалыматка ылайык, беш жылдын ичинде бюджетке 217,9 миллиард сомдон ашык каражат түшүп, бул 3,5 эсе көбөйгөн. 2025-жылы түшкөн каражаттын рекорддук суммасы 65,4 миллиард сомду түздү.
Бул жылы лицензиялар боюнча 40 аукцион өткөрүлүп, бюджетке 105 миллион сомдон ашык каражат түшкөн.
«2025-жылы экологиялык мыйзам бузуу боюнча 5749 учур аныкталды. Натыйжада 143,2 миллион сомдук зыян кайтарылды. Мындан тышкары, «Экооператор» мамлекеттик ишканасы түзүлүп, ал 74 миллион сомдук утилдештирүү төлөмдөрүн алды», — деп кошумчалашты министрликтен.
