«Чакан ГЭС» ААКсы Лебединовская ГЭСтин реконструкциясы үчүн генподрядчыны тандоону аяктады. Бул маалымат Кыргыз Республикасынын Энергетика министрлигинин өкүлдөрү тарабынан айтылды.
Учурда конкурсунун акыркы этабы аяктады, арыздар бааланды жана жыйынтыктар банкка макулдашуу үчүн берилди. Тендерди уткан подрядчы объектте негизги курулуш-монтаждык жана техникалык иштерди жүргүзөт.
Реконструкция «Чакан ГЭС» ААКсы үчүн приоритеттүү багыттардын бири болуп саналат жана жабдууларды модернизациялоону, өндүрүмдүүлүктү жогорулатууну жана станциянын эксплуатация мөөнөтүн узартууну камтыйт.
Иш-чаралар комплекси гидротехникалык курулмаларды жаңылоону, генератордук жабдууларды капиталдык модернизациялоону, ошондой эле заманбап башкаруу жана автоматташтыруу системаларын киргизүүнү камтыйт. Бул иштер Лебединовская ГЭСтин натыйжалуулугун жана ишенимдүүлүгүн кыйла жогорулатат:
* Орнотуучу кубаттуулукту 7,6 дан 10,0 МВт га чейин жогорулатуу;
* Электр энергиясын өндүрүүнү 37,2 ден 53,5 млн. кВт.ч га чейин жогорулатуу;
* Гидроэлектр станциясынын ишенимдүүлүгүн жакшыртуу.
14-апрель 2022-жылы Европалык реконструкция жана өнүктүрүү банкы, Кыргыз Республикасынын Энергетика министрлиги, Каржы министрлиги, Улуттук энергетикалык холдинг жана «Чакан ГЭС» ААКсы арасында алдын ала келишимге кол коюлганын белгилеп кетели. ```
