5-ноябрда Кыргыз Республикасынын президенти Садыр Жапаровдун Египетке расмий сапарынын натыйжасында Кыргызстан менен Египеттин ортосунда кызматташтыкты өнүктүрүүгө багытталган бир нече маанилүү эки тараптуу документтерге кол коюлду.
Кол коюлган документтердин арасында:
- Дипломатиялык, кызматтык жана атайын паспорт ээлерине виза контролунан бошотуу жөнүндө эки өлкөнүн өкмөттөрүнүн ортосундагы келишим;
- Экономикалык, илимий жана техникалык тармактарда кызматташуу жөнүндө келишим;
- Агротехникалык тармакта биргелешкен ишмердүүлүк жөнүндө келишим;
- Жогорку билим берүү тармагында кызматташуу жөнүндө келишим;
- Кыргызстандын Энергетика министрлиги менен Египеттин Электр энергиясы жана жаңылануучу энергия булактары министрлиги ортосундагы өз ара түшүнүшүү меморандуму;
- Кыргызстандын президентинин алдындагы Инвестициялар боюнча улуттук агенттиги менен Египеттин Инвестициялар боюнча башкы башкармалыгы ортосундагы өз ара түшүнүшүү меморандуму;
- Кыргызстандагы Диндер жана этностор аралык мамилелер боюнча улуттук агенттик менен Египеттин Вакуфтар боюнча министрлиги ортосундагы кызматташуу меморандуму;
- Кыргызстандын Улуттук банкы менен Египеттин Борбордук банкы ортосундагы өз ара түшүнүшүү меморандуму.
