Диалогдук платформада, «Кыргыз Экспорт» борбору тарабынан Экономика жана соода министрлигинин имаратында уюштурулган, тигүү жана текстиль компанияларынын алдында турган көйгөйлөр талкууланды.
Иш-чарада Кыргыз Республикасынын Мамлекеттик салык кызматы, Бишкек стандартташтыруу жана метрология борбору, «Альфа Телеком» ЖАК, ошондой эле Соода-өнөр жай палатасы жана ар түрдүү профилдик ассоциациялардын өкүлдөрү да катышты.
Учурда тигүү тармагы Россияга экспорттук жеткирүүлөрдө жана Wildberries платформасына чыгууда олуттуу кыйынчылыктарды баштан кечирүүдө.
Жиында Wildberries өкүлдөрү алардын платформасына чыгуу үчүн талап кылынган маалыматтарды, ошондой эле документтер, белгилөө, сертификаттоо жана логистика аспекттери боюнча иш жүргүзүү процессин сунушташты.
Учурдагы кыйынчылыктарды жеңүү боюнча чаралар жана продукцияны тышкы рынокко чыгарууну тездетүү жолдору талкууланды.
Тигүү секторунун өкүлдөрүнө «Кыргыз Экспорт» борбору учурдагы жылдын аягына чейин ишкерлер үчүн бир катар окуу иш-чараларын өткөрүүнү пландап жаткандыгын, аларды бул окууларга активдүү катышууга чакырды. ```
