Жыйындын катышуучулары ведомстволор аралык өз ара аракеттенүүнү жакшыртуу, инфраструктураны модернизациялоо, кадрларды даярдоо программаларын кеңейтүү жана заманбап сапат стандарттарын киргизүү зарылдыгына көңүл бурушту. Бизнес коомчулугу ишканалардын туш болгон көйгөйлөрү менен бөлүшүп, аларды чечүү үчүн кызматташууга даяр экендигин билдирди.
Талкуунун жыйынтыгында Кыргыз Республикасынын Экономика жана соода министрлигине тигүү өнөр жайынын атаандаштыкка жөндөмдүүлүгүн жогорулатууга жана ишкерлер үчүн ыңгайлуу шарттарды түзүүгө багытталган стратегияны иштеп чыгуу тапшырылды.
Экономика жана соода министри Бакыт Сыдыков министрлик бизнес коомчулугу менен активдүү өз ара аракеттенүүнү уланта турганын, узак мөөнөттүү өнүгүүгө багытталган тең салмактуу жана натыйжалуу чечимдерди табууга аракет кылаарын баса белгиледи.
