Жыйында катышуучулар жергиликтүү продукциянын Россия рыногуна киргенде туш болгон көйгөйлөрдү талкуулашты. Орус бийлик органдары тарабынан көзөмөлдүн күчөшү менен байланышкан кыйынчылыктар пайда болгону белгиленди.
Ошондой эле, өлкө ичиндеги өндүрүүчүлөрдү жана тышкы экономикалык ишмердүүлүк чөйрөсүндөгү колдоо чаралары талкууланды. Катышуучулар ведомстволор аралык кызматташтыкты күчөтүүнүн, инфраструктураны модернизациялоонун, ошондой эле кадрларды даярдоо жана заманбап сапат стандарттарын киргизүү программаларын кеңейтүүнүн маанилүүлүгүн белгилешти.
Бизнес коомчулугунун өкүлдөрү бул тармактагы ишканалардын туш болгон тоскоолдуктары тууралуу маалымат бөлүшүп, аларды жеңүү үчүн мамлекеттик органдар менен кызматташууга даяр экендиктерин билдиришти.
Талкуулардын жыйынтыгында Экономика жана соода министрлигине тигүү тармагынын атаандаштыкка жөндөмдүүлүгүн жогорулатууга жана ишкерлер үчүн ыңгайлуу шарттарды түзүүгө багытталган сунуштар комплексин иштеп чыгуу тапшырылды.
Экономика жана соода министри Бакыт Сыдыков министрлик бизнес менен системалуу иш алып барууну уланта турганын, бул тармактын туруктуу өнүгүүсүнө көмөктөшүүчү натыйжалуу чечимдерди табууга багытталганын белгиледи.
