Жыйында кыргыз продукциясынын орус рыногуна киргизилиши боюнча маселелер каралды.
«Мындай кырдаал орус бийлигинин көзөмөлүнүн күчөшү менен байланыштуу. Биз ошондой эле ички рынокто жана тышкы экономикалык ишмердүүлүк чөйрөсүндө биздин өндүрүүчүлөрдү колдоого жардам бере турган чараларды талкууладык», - деп айтылат расмий билдирүүдө.
Жыйындын катышуучулары ведомстволор аралык өз ара аракеттенүүнү жакшыртуунун, инфраструктураны жаңылоонун, кадрларды квалификациясын жогорулатуунун жана заманбап сапат стандарттарын киргизүүнүн маанилүүлүгүн белгилешти. Бизнесмендер ишканалардын беттешкен кыйынчылыктары тууралуу маалымат беришти жана аларды жоюу боюнча биргелешип иштөөгө даяр экендиктерин билдиришти.
«Талкуунун жыйынтыгы боюнча Экономика жана соода министрлигине тигүү тармагындагы атаандаштыкты жогорулатууга жана бизнес жүргүзүү үчүн ыңгайлуу шарттарды түзүүгө багытталган сунуштардын комплексин иштеп чыгуу тапшырылды», - деп кошумчаланды билдирүүдө.
