Ал ЕАЭБ алкагында товарларды милдеттүү маркировкалоо катышуучу өлкөлөрдүн улуттук мыйзамдары менен жөнгө салынарын белгиледи. Мисалы, Россияда милдеттүү маркировкалоого 21 товар, Беларуссияда — 10, Казакстанда — 8, Кыргызстанда — 3, Арменияда — 2 товар кирет. Бул категорияга кирген негизги товарлар алкоголдук ичимдиктер, тамеки буюмдары жана санкция салынган товарлар болуп саналат.
Экономика министрлиги товарларды чек арадан өткөрүү үчүн навигациялык пломбаларды киргизген өкмөттүн токтому боюнча долбоорду иштеп чыкты. Бул пломбалар ири импортёрлорду көзөмөлдөөнү күчөтүү жана салык төлөөнү камсыз кылуу максатында ЕАЭБ алкагында колдонулат.
Жүк ташуучулар жана мурда мыйзам бузуулар менен белгиленген компаниялар навигациялык пломбаларды орнотууга милдеттүү болушат. Товарларды текшерүү жүктөрдүн келүүчү жайларында жүргүзүлөт.
Ошондой эле Нурбек Исмаил уулу Союз алкагында келген бардык товарлар зарыл документтер жана маркировка менен коштолушу керек экенин баса белгиледи. Эгерде ишкерлер бардык документтерди туура жана убагында толтурса, чек арада көйгөйлөр жаралбайт.
