Бул өзгөртүүлөрдүн алкагында салык карыздарын өндүрүп алуу үчүн жаңы механизм киргизилет, ошондой эле 2022-жылдын 1-январына чейин жыйналган карыздарды жоюу каралат.
Бирдиктүү салык боюнча иштеген салык төлөөчүлөр үчүн товар айланымдын чеги 50 миллион сомго көтөрүлөт. Мындан тышкары, соода үчүн патенттик система кайрадан киргизилет, ал эми зергердик буюмдарды өндүрүүчүлөр үчүн бирдиктүү салык ставкасы 0,25 пайызды түзөт.
Ошондой эле жеке жактар үчүн бирдиктүү салык декларациясы жок кылынат, ал эми транспорт салыгы боюнча карыздар жоюлат.
Бул өзгөртүүлөр мурда өлкө президенти тарабынан кол коюлган.
