Тажикстандык компаниялар, биринчи жолу Кыргызстанга 10-эл аралык азык-түлүк жана айыл чарба продукцияларынын «АгроПродЭкспо 2014» көргөзмөсүнө катышуу үчүн келген, анын натыйжалуулугун белгилешти. Бул тууралуу Тажикстандын ТПП өкүлү Мукаммол Раджави Кыргызстан ТППсынын жетекчилиги менен болгон жолугушууда билдирди.
Анын маалыматы боюнча «АгроПродЭкспо 2014» көргөзмөсүндө тажик жана кыргыз агробизнесмендери арасында сүйлөшүүлөр жүргүзүлүп, продукцияларды жеткирүү боюнча 1,5 миллион доллар АКШ долларына жакын контракттарга кол коюлган.
Өз кезегинде Кыргызстан ТППсынын өкүлдөрү тажик компанияларынын айыл чарба продукцияларынын масштабдуу көргөзмөсүнө катышуусун кубаттап, Кыргызстанда өткөрүлгөн бардык эл аралык көргөзмөлөргө активдүү катышууга чакырышты, бул жаңы бизнес байланыштарды түзүү үчүн аянтча болуп саналат. Кыргызстан жана Тажикстан ТППларынын өкүлдөрү көп жылдан бери жакшы достук мамилелерди кармап келе жатканын жана жыл сайын тез өнүгүп жатканын белгилешти.
Тараптар, эки достук өлкөдө өткөрүлгөн көргөзмөлөргө өндүрүүчүлөрдүн жана компаниялардын өз ара катышуусу рынокту кеңейтүүгө жана келечектеги бизнес байланыштарды түзүүгө жакшы жардам берерин белгилешти.
