Кеминде жайгашкан «Агро Куш» канаттууларды өндүрүү боюнча жаңы заманбап комплекстин ачылышына Кыргыз Республикасынын суу ресурстары, айыл чарба жана кайра иштетүү өнөр жайы министри Бакыт Торобаев катышты. Иш-чаранын алкагында убакыт капсуласын коюу да болду.
«Агро Куш» компаниясы өндүрүштүн толук циклин ишке ашырат: инкубациядан баштап, тооктун этин кайра иштетүүгө жана сатууга чейин.
Учурда компанияда 600дөн ашык адам иштейт, алардын көбү жакынкы айылдардын тургундары.
Кемин өндүрүш комплексин түзүү компаниянын өндүрүш кубаттуулугун жогорулатууга багытталган маанилүү инвестициялык долбоор болуп саналат. Долбоордун алкагында инкубатор, канаттууларды өстүрүү үчүн аянтчалар, жем өндүрүү заводу жана Чүй облусунда даяр продукция үчүн склад курулат.
Курулуш аяктагандан кийин компания өндүрүш кубаттуулугун 29% га жогорулатууга жетишет, бул жылына 15 миң тонна тоок этин өндүрүүгө мүмкүндүк берет, бул 10 миллион бройлерге барабар.
Комбикорм өндүрүшү жылына 28 миң тоннанын ордуна 115 миң тоннага чейин өсөт.
«Агро Куш» долбоору өндүрүштүн толук циклын түзүп, канаттуулар тармагында вертикалдык интеграцияны камсыз кылып, Кыргыз Республикасынын агрардык секторунун туруктуу өнүгүүсүнө олуттуу салым кошот», - деп белгиленет билдирүүдө. ```
