Ал өз сөзүндө 17 жыл мурун маанилүү болгон 30 миң сомдук сумма азыр инфляция жана валюталык курсунун өзгөрүүлөрү себептүү кыйла арзандаганын белгиледи.
Депутат төлөмдөрдүн өлчөмдөрүн кайра карап чыгуу керектигин, аналитикалык маалыматтарга жана мониторингге негизделип, спортчулардын даярдыгына болгон заманбап талаптарды, фармакология жана профессионалдык спорттун башка аспектилерин эске алуу менен сунуштады.
Бул билдирүү 19-январда Жогорку Кенештин илим, билим берүү, инновациялар, маалыматтык технологиялар, маданият, спорт жана жаштар иштери боюнча комитетинин жыйынында жасалды. Жыйында депутаттар Министрлер кабинетинин алдындагы Мамлекеттик физикалык культура жана спорт агенттигинин иши боюнча отчет менен таанышышты.
