Ал учурда жүгүрүү жолунун шаар тургундары үчүн жеткиликтүү эместигин белгилеп, анын ачылышын тездетүүнү сунуштады.
Физкультура жана спорт боюнча мамлекеттик агенттиктин директору Урмат Асанбаев иштер улантылып жатканын жана подрядчиктер зарыл болгон оңдоп-түзөө иштерин активдүү жүргүзүп жатканын тастыктады.
Депутат ошондой эле воркаут аянтчалары калыбына келтирилеби деп тактады, ага Урмат Асанбаев реконструкция учурунда аларды демонтаждоо жүргүзүлгөнүн, бирок келечекте калыбына келтирүү пландаштырылып жатканын билдирди.
Советбек Рустамбек уулу жүгүрүү жолу ачылган соң маалымат берүү керектигин жыйынтыктап, ал бардык каалагандар үчүн жеткиликтүү болушу керектигин кошумчалады. «Стадион болгону футбол матчтары үчүн аянча болуп калбашы керек. Келүүчүлөргө кызмат көрсөтүү боюнча персоналдын ишин да көзөмөлдөө зарыл», - деп баса белгиледи депутат.
