Процесстин калган катышуучуларына чыгарылган өкүм өзгөрбөй калды.
Бүгүн Бишкек шаардык соту Кой-Ташта болгон окуяларга байланыштуу Ирина Карамушкинага берилген жаза мөөнөтүн узартты.
Мурда прокуратура Карамушкина үчүн жаза мөөнөтүн 7,5 жылдан 8 жылга чейин узартууну талап кылган, ал эми башка фигуранттар үчүн өкүмдү мурдагыдай калтырууну сунуштаган.
Бүгүнкү Бишкек шаардык сотунун отурумунда мамлекеттик айыптоо колдоо тапты жана Карамушкина үчүн эркинен ажыратуу мөөнөтү 8 жылга чейин узартылды.
Эскерте кетсек, ушул жылдын июнь айында Бишкек шаарындагы Первомай райондук соту 2019-жылдын 7-8-августунда Кой-Ташта болгон окуяларга байланыштуу чечим чыгарган. Ирина Карамушкина 7 жыл 6 ай эркинен ажыратууга өкүм кылынган. Бул иште мурдагы президент Алмазбек Атамбаевди кошкондо 20 адам катышууда, ал 11 жыл 3 ай түрмөгө кесилип, мүлкүн конфискациялоо жана мамлекеттик сыйлыктардан ажыратуу менен жазага тартылган.
Сүрөт www
