Алардын айтымында, бул окуя кечээ, 4-ноябрда, саат 12:30 чамасында болгон.
Ал арада, Чүй облусунун Ички иштер башкармалыгынын басма сөз кызматында Токмок шаарындагы автобекетте эркекти сабоо фактысы тастыкталганын билдиришти.
«4-ноябрда социалдык тармакты мониторинг жүргүзүү учурунда Токмок шаарындагы автобекетте болжол менен саат 12:30 чамасында белгисиз эркек жаранды сабап кеткендиги тууралуу маалымат жарыяланган», - деп айтылат билдирүүдө.
Бул факт Токмок шаарынын Ички иштер бөлүмүндө катталган, текшерүү башталды.
Текшерүү учурунда милиция кызматкерлери жергиликтүү тургун Б.И., 1994-жылы туулган, Токмок шаардык ооруканасына ар кандай дене жаракаттары менен кайрылганын аныкташты. Анын айтымында, коомдук транспорттун токтогон жеринде белгисиз жаш жигит артынан келип, себепсиз сабап кеткен. Натыйжада ал эсин жоготуп, жерге кулаган. Эси оо келгенде, жабырлануучу аны курчап турган адамдардын жардам берип жатканын көргөн.
Учурда жабырлануучуга соттук-медициналык экспертиза дайындалды, болгон окуяга тиешеси бар адамды аныктоо жана кармоо боюнча ыкчам-издөө иш-чаралары жүргүзүлүүдө», - деп айтылат билдирүүдө.
Текшерүү уланууда. Анын жыйынтыгы боюнча мыйзам талаптарына ылайык чечим кабыл алынат.
