Кеңеште ички иликтөө кызматынын жетекчиси кызматын ээлеген Алмаз Осмонбековду бошотуу чечими кабыл алынды. Ал ички аудит кызматынын жетекчиси болуп дайындалды.
Мындан тышкары, ички иштер министринин кеңешчиси кызматын ээлеген милициянын полковниги Улан Бийбосунов өз кызматынан бошотулуп, ички иликтөө кызматынын жаңы жетекчиси болуп дайындалды. Бул өзгөртүүлөр бөлүмдөрдүн ишинин натыйжалуулугун жогорулатууга, тартипти бекемдөөгө жана жетекчилердин жоопкерчилигин арттырууга, ошондой эле кадрларды ротациялоо принциптерин ишке ашырууга багытталган, деп белгилешет ИИМ.
