2025-жылдын 30-ноябрында өтө турган Жогорку Кеңештин депутаттарын шайлоо үчүн Кыргыз Республикасынын Борбордук шайлоо комиссиясы 170 эл аралык байкоочуну аккредитациялоо чечимин кабыл алды.
КР БШКнын токтомуна ылайык, аккредитацияланган байкоочулардын арасында төмөнкү уюмдардын өкүлдөрү бар:
- Болгария Республикасынын Борбордук шайлоо комиссиясы;
- Россия Федерациясынын Борбордук шайлоо комиссиясы;
- Беларусь Республикасынын Борбордук шайлоо комиссиясы;
- Египет Араб Республикасының Улуттук шайлоо комиссиясы;
- Ислам кызматташтык уюму;
- Кыргыз Республикасындагы Кытай Эл Республикасынын элчилиги;
- Кыргыз Республикасындагы Америка Кошмо Штаттарынын элчилиги;
- Кыргыз Республикасындагы Япониянын элчилиги;
- Кыргыз Республикасындагы Венгриянын элчилиги;
- Кыргыз Республикасындагы Улуу Британиянын элчилиги;
- ОБСЕнин Демократиялык институттар жана адам укуктары боюнча бюросу;
- ТМД байкоочулар миссиясы;
- Түрк тилдүү мамлекеттердин парламенттик ассамблеясы;
- ОБСЕнин парламенттик ассамблеясы;
- ТМДнын парламенттик ассамблеясы;
- ОДКБнын парламенттик ассамблеясы.
Борбордук шайлоо комиссиясында учурда аккредитацияланган эл аралык байкоочулардын жалпы саны 297 экендигин белгилешти.
