БШКдан билдиришкендей, документтерди текшерүү учурунда Нурбаев узак убакыт бою диний ишмердүүлүк менен активдүү алектенгендиги, "Араван Зекет" диний кайрымдуулук фондунун директору жана "Ас-Сафа" фондунун өкүлү болуп тургандыгы аныкталган, бул тууралуу Диний иштер боюнча улуттук агенттиктин жана ГКНБнын маалымкаттарында жазылган.
Борбордук шайлоо комиссиясында белгилешкендей, №61 формасына ылайык жана диний ишмерлер үчүн чектөөлөрдү сактоо боюнча декларацияда Нурбаев өзүн мындай деп көрсөтпөгөн. Ишчу топ анын депутаттыкка талапкер болуу үчүн мыйзамдык талаптарга жооп бербестигин жыйынтыкташты.
Конституциялык мыйзамдын "Шайлоолор жөнүндө" 3-беренесинин 4-бөлүгүнө ылайык, диний ишмердүүлүк менен алектенген адамдар өздөрүнүн диний ишмердүүлүгүн жыйынтыктагандан кийин беш жыл бою Жогорку Кеңешке талапкер боло албайт. Ошондуктан КР БШК Нурбаевге №5 округу боюнча депутаттыкка талапкер катары каттоодон баш тартты.
