ЦИК Гулсара Каримованы депутаттыкка каттоодон баш тартты.
Централдык шайлоо комиссиясынын жумушчу тобу Каримованын мыйзамдык талаптарга жооп бербегендигин аныктады. 28-октябрда өткөн жыйында кандидаттын атынан ыйгарым укуктуу өкүлдүн пикирлери угулду.
Кыргыз Республикасынын Конституциялык мыйзамынын "Кыргыз Республикасынын президенти жана Жогорку Кеңеш депутаттарын шайлоо жөнүндө" 3-беренесинин 4-бөлүгүнө ылайык, диний кызматтарды ээлеген адамдар өздөрүнүн диний ишмердүүлүгү аяктаганынан кийин беш жыл бою шайлоого катыша албайт. Бул нормаларды жана жумушчу топтун жыйынтыктарын эске алып, ЦИК Гулсара Каримованы 12-округдан каттоого алуудан баш тартуу чечимин кабыл алды.
