«Элдик Банк» ААКсы жаңы долбоорду ишке ашырууну баштады, ал «Кыргыз Республикасынын айыл чарбасында климаттын өзгөрүшүнө туруктуу кошумча нарк чынжырларын өнүктүрүү» деп аталат. Бул демилгени каржылоону Азия өнүктүрүү банкы камсыз кылат. Долбоордук келишимди түзүү менен байланышкан маанилүү окуя бүгүн болуп өттү, анда «Элдик Банк» ААКсынын башкармалыгынын төрагасы Уланбек Ногаев жана Кыргызстандагы АБРдин туруктуу өкүлчүлүгүнүн өлкөлүк директору Чжэн Ву катышты.
Бул долбоордун алкагында «Элдик Банк» улуттук валютада 13 миллион АКШ долларына тең келген субсидиялык кредит алат. Бул каражаттар өлкөдөгү жемиш-көкөткө байланыштуу юридикалык жактарга жана жеке ишкерлерге жеңилдетилген кредит берүүгө багытталат.
Кредиттик каражаттар төмөнкү шарттарда берилет:
- 5 миллион АКШ долларына чейин (улуттук валютада эквиваленти);
- 10 жылга чейин;
- пайыздык ставка 6% жылдык;
- ЭПС - 6,23% дан башталат.
- Жемиш-көкөткө байланыштуу продукцияны жыйноодон кийинки сактоо, кайра иштетүү жана сатуу, анын ичинде жаңы транспорт жана жабдууларды сатып алуу;
- Агро технологияларды, логистиканы өндүрүү жана/же жеткирүү, ошондой эле жемиш-көкөткө байланыштуу продукцияны өндүрүү үчүн зарыл болгон ресурстарды жана кызматтарды берүү;
- Ченемдерге жооп берген объекттерди куруу, реконструкциялоо жана оңдоо;
- Кошумча наркка өбөлгө түзгөн жабдууларга инвестициялоо.
«Биз «Элдик Банкты» АБР тарабынан колдоого алынган агроөнөр жайында климаттын өзгөрүшүнө туруктуу өнүктүрүү долбоорунда катышкан финансылык мекемелердин арасында көргөнүбүзгө кубанычтабыз», - деп кошумчалады Чжэн Ву.
««Элдик Банк»тын кеңири тармактары жана тажрыйбасы кичи жана орто агро ишканалар үчүн каржылоого жеткиликтүүлүктү кыйла кеңейтет, бул климаттын туруктуулугун жогорулатууга жана айыл жерлеринде жашоо шарттарын жакшыртууга көмөктөшөт», - деп белгиледи Чжэн Ву, Кыргызстандагы АБРдин туруктуу өкүлчүлүгүнүн директору.
«Климаттын өзгөрүшүнө туруктуу кошумча нарк чынжырларын өнүктүрүү» долбоорунун максаты - ички жана эл аралык рынокторго жаңы жана кайра иштетилген жемиш-көкөткө байланыштуу продукциянын көлөмүн көбөйтүү үчүн жагымдуу шарттарды түзүү.
Демилгени ишке ашыруунун негизги максаты - продукциянын көлөмүн жана сапатын жогорулатуу үчүн өндүрүш жана сатуу чынжырларын бекемдөө жана өнүктүрүү, ошондой эле өндүрүш, сактоо жана кайра иштетүү процесстерине заманбап технологияларды киргизүү. Бул, өз кезегинде, Кыргызстандан чыккан продукциянын атаандаштыкка жөндөмдүүлүгүн жогорулатууга көмөктөшөт. Долбоордун ишке ашырылышы мамлекеттин айыл чарбасын өнүктүрүү жана өлкөнүн азык-түлүк коопсуздугун камсыздоо боюнча мамлекеттик саясатты жүзөгө ашырууда маанилүү кадам болуп саналат.
