Ташкентте «Келечек мурасы» («Наследие будущего») эл аралык сыйлыгын тапшыруу салтанаты өттү, ага Кыргызстан президенти Садыр Жапаров катышты. Бул сыйлык Өзбекстан президенти Шавкат Мирзиёевдин демилгеси менен уюштурулду.
Иш-чарада Борбордук Азия жана Азербайжан мамлекеттеринин башчылары катышты.
Бул сыйлык адабият, маданият, искусство, илим, билим берүү жана санариптик технологиялар тармагында көрүнүктүү инсанларга, ошондой эле Борбордук Азия жана Азербайжанда улуттук жана жалпы адамзаттык баалуулуктарды өнүктүрүүгө чоң салым кошкон адамдарга берилет.
«Адабият» категориясында сыйлык Кыргызстандык эл жазуучусу Султан Раевге берилди.
Ар бир жеңүүчү 10 миң доллар өлчөмүндө акчалай сыйлык алат.
