Нарын облусуна болгон жумушчу сапарынын алкагында, Кыргыз Республикасынын Министрлер кабинетинин төрагасы жана президенттин администрациясынын жетекчиси Адылбек Касымалиев «Торугарт» өткөрмө бекетин жана «Торугарт-1» көмүр разрезин зыярат кылды. «Торугарт» өткөрмө бекетинде ал оңдоп-түзөөдөн кийин пайдаланууга берилген жарандарды тейлөө пункту менен таанышты. Андан кийин, Адылбек Касымалиев «Чатыр-Кол» чек ара бөлүмүнө барып, аскер кызматкерлеринин жашоо шарттары менен таанышты.
Ошондой эле, визиттин алкагында ал 2023-жылдын 12-ноябрында ишин баштаган «Торугарт-1» көмүр разрезинде болду.
Белгилей кетсек, «Кыргызкомур» ААКсы «Торугарт-1» аймагында 557,6 га аянтты камтыган көмүр кенин изилдөө үчүн лицензия алды. Учурда көмүр запастары 25 га аянтта тастыкталган, жалпы көлөмү 423,4 миң тонна.
Бул аймакта 10,0 миң тонна көмүр өндүрүлгөн.
Министрлер кабинетинин төрагасы «Торугарт-1» көмүр разрезинин туруктуу иштешин камсыз кылуу жана продукцияны экспортко чыгаруу процессин тездетүү боюнча тапшырма берди. ```
