Учурдагы геополитикалык кырдаалда Жамааттык коопсуздук келишими уюму (ЖККУ) өзүнүн ролун жана маанисин тастыктады. Бул тууралуу «Кабар» агенттигине берген интервьюсунда саясатчы Мамат Айбалаев билдирди.
Ал Кыргызстан, Беларусь, Казакстан, Россия жана Тажикстан сыяктуу мүчө мамлекеттер үчүн коопсуздук маселелерин биргелешип чечүү уюмдун ишинин маанилүү аспектиси экенин белгиледи.
«ЖККУ региондун коопсуздук маселелеринде маанилүү роль ойнойт. Бул багытта ишти улантуу зарыл, айрыкча коопсуздук маселелери күндөн-күнгө актуалдуу болуп жаткан учурда. Ошентип, уюм чечиши керек болгон милдеттердин спектрин кеңейтүү жөнүндө сөз кылса болот», — деп баса белгиледи Айбалаев.
