Шаардын түштүк-чыгыш бөлүгүндө жайгашкан «Бишкек санитардык полигон» муниципалдык ишканасынын аймагында өрт чыкты. Бул тууралуу Бишкек мэриясынын басма сөз кызматы билдирди.
Шаардык бийликтен алынган маалыматка ылайык, от локализацияланды жана андан ары жайылышы байкалган жок.
Өрттү өчүрүү үчүн шаардагы ТЖМден эки өрт өчүрүү бригадасы жөнөтүлдү, ошондой эле «Тазалык» жана «Бишкекзеленстрой» кызматтары тартылды, алардын ар бири бир суу ташуучу унаа колдонду.
«Өз-өзүнөн күйүү мүмкүнчүлүгү жок болгондуктан, мэрия инциденттин себептерин жана жагдайларын аныктоо үчүн тиешелүү органдарга кайрылды», - деп айтылат басма сөз релизинде.
