Ал добуш сатып алуу менен байланыштуу 196-беренеге ылайык кылмыш иштери козголгонун, натыйжада айрым адамдардын кармалганын белгиледи. Учурда бир нече жаран тергөө иштери аяктаганга чейин камакта, сот эки айга камакка алуу мөөнөтүн узартууну сураган. Тергөө аяктагандан кийин мыйзамга ылайык чечим кабыл алынат, деди ал.
Султан Макилов ошондой эле келип түшкөн бардык билдирүүлөрдүн кылдат текшерилээрин жана юридикалык баа берилээрин баса белгиледи.
Централдык шайлоо комиссиясынын расмий сайтында шайлоолорго байланыштуу бардык арыздар жайгаштырылган бөлүм бар. «Кээ бирлери арыз берип, жооп алган жок деп айтуусу мүмкүн, бирок ошол эле учурда жарыяланган материалдарга көңүл буруу керек, анда бардык кайрылуулар жана алар боюнча кабыл алынган чечимдер камтылган. Бул бөлүмдө ЦИКке келген арыздар менен Ички иштер министрлигине жөнөтүлгөн арыздар бар», - деп кошумчалады ал.
