Бүгүн, шайлоо күнү, 14 миңден ашык милиция кызматкерлери коопсуздукту жана тартипти камсыздоо үчүн күчөтүлгөн кызматка чакырылды. Бул тууралуу брифингде Ички иштер министрлигинин басма сөз кызматынын жетекчиси Султан Макилов билдирди.
Ал кызматкерлер ошондой эле Ички иштер министрлигинин регионалдык бөлүмдөрүнө жөнөтүлгөнүн, кырдаалдарды көзөмөлдөө жана ыкчам жооп берүү үчүн тапшырылганын белгиледи.
«Мындан тышкары, социалдык тармактар аркылуу келген билдирүүлөр боюнча чыгып, мыйзам бузууларды документтештирүү үчүн эң тажрыйбалуу кызматкерлерден турган топтор түзүлдү», - деп кошумчалады ал.
