2025-жылдын 30-ноябрында өтө турган Жогорку Кенештин депутаттарын шайлоо боюнча, Кыргыз Республикасынын Энергетика министрлиги өлкөнүн энергетикалык кызматтары жогорулатылган даярдык режиминде иштээрин билдирди.
Башкы максат — шайлоочулар жана шайлоо участкалары үчүн үзгүлтүксүз электр энергиясын камсыз кылуу.
Бул максатка жетүү үчүн 1243 электр тармактарынын кызматкери суткасына 24 саат бою кезектешип иштешет, ал эми 383 оперативдүү бригадалар каалаган убакта чыгууга даяр болот.
«Бригадалар үчүн атайын техника жана унаалар тез арада жооп берүү үчүн даярдалган. Эгерде күтүлбөгөн кырдаалдар болсо, энергетиктер аварияларды жоюу үчүн бардык зарыл нерселер менен камсыздалат», — деп белгилешти министрликтен.
Жарандарга электр энергиясы менен байланышкан маселелерди чечүү үчүн байланыш номерлери берилди:
Колл-центр: 1209, 105
Мобильдик номерлер: 0772 001209, 0556 001209
WhatsApp: 0702 001209
