Бүгүнкү эфирде Биринчи радиодо Борбордук шайлоо комиссиясынын (БШК) мүчөсү Узарбек Жылкыбаев Жогорку Кенештин депутаттыгына өтүүчү шайлоого дагы эки талапкер катышуудан баш тартканын билдирди.
Жылкыбаев жалпы 589 жаран шайлоого катышуу үчүн арыз бергенин белгиледи. Алардан 467 адам талапкер катары катталса, 122 талапкерге ар кандай себептерден улам баш тартылды. Алардын кээбирлери өз ыктыярлары менен баш тартса, башкалары шайлоо мыйзамдарына ылайык келбегендиги үчүн, мисалы, өлкөдө жашабагандыгы, соттолгондугу же Ички иштер министрлигинде оперативдик каттоодо тургандыгы үчүн баш тартылды.
«БШК талапкерлердин документтерин текшерүү жана шайлоо мыйзамдарына ылайык келүүсүн камсыз кылуу үчүн Билим берүү министрлиги, укук коргоо органдары жана башка тиешелүү мекемелер менен активдүү кызматташты», - деп кошумчалады ал.
Жылкыбаевдин маалыматына ылайык, катталган талапкерлердин 276сы эркектер, 191и аялдар. «Бүгүн дагы эки талапкер Жогорку Кенештин депутаттыгына катышуудан баш тартуу тууралуу арыз жөнөтүштү», - деп жыйынтыктады ал.
