Борбордук шайлоо комиссиясы берген маалыматка ылайык, документтерди текшерүү процессинде Нурбаев узак убакыт бою диний ишмердүүлүк менен активдүү алектенгендиги аныкталган. Ал «Араван Зекет» диний кайрымдуулук фондуна директор жана «Ас-Сафа» фондуна өкүл болуп кызмат өтөгөн.
Комиссиянын өкүлдөрү, Кыргыз Республикасынын Президенти жана Жогорку Кеңешинин депутаттарынын шайлоолору боюнча конституциялык мыйзамдын 3-беренесинин 4-бөлүгүнө ылайык, диний ишмердүүлүк менен алектенген адамдардын бул тармактагы ишмердүүлүгүн токтоткондугунан кийин беш жыл бою депутаттыкка талапкер болууга укугу жок экенин белгилешти.
