АКШнын мамлекеттик катчысы Марко Рубио Украина менен Россия Донбастын 20% аймагы боюнча макулдашууга келе албайт деп билдирди. Fox News телеканалына берген интервьюсунда ал талаш-тартыштын негизги себеби Киевдин контролунда калган Донецк облусунун аймактары экенин белгиледи. Рубио АКШ эки тараптын позицияларын жакындаштырууга умтулуп жатканын кошумчалады.
Рубио негизги максат согушту токтотуу, Украинага кайрадан кол салынбай турганын камсыз кылуу, анын узак мөөнөттүү көз карандысыздыгын камсыз кылуу жана анын гүлдөп-өсүшү үчүн шарттарды түзүү экенин айтты. «Суроо төмөнкүчө: Украина жана Россия кандай компромисстерге барууга даяр? Бул биздин согуш эмес. Америкалык аскерлер башка континентте болуп жаткан конфликтке катышпайт. Биз эки тарап менен сүйлөшө алган жалгыз адамдар болгондуктан, биз катышып жатабыз, ал эми европалык өлкөлөр жана Кытай мындайды кыла албайт», — деди ал.
Мамлекеттик катчы конфликтти жыйынтыктоо жана «Украинанын келечегин эки тарапка тең ылайыктуу кылып коргоо» мүмкүнбүгүн түшүнүү маанилүү экенин баса белгиледи. Ал Владимир Путин орус тараптан чечим кабыл алууга тийиш экенин, анткени конфликтти жыйынтыктоого жөндөмдүү болгону үчүн так ошол адам экенин кошумчалады.
Рубио ошондой эле кээ бирлер АКШ Украина менен гана сүйлөшүүлөрдү жүргүзүшү керек жана россиялыктар менен байланыштан качышы керек деп эсептээрин белгиледи. Бирок ал: «Россия менен диалогсуз Россия менен Украина ортосундагы согушту токтотуу мүмкүн эмес» деп баса белгиледи.
