4-декабрда Кыргызстан президенти Садыр Жапаров Пакистан президенти Асиф Али Зардари менен Ислам Республикасы Пакистанга болгон расмий сапарынын алкагында жолугушту. Сүйлөшүүлөр тар жана кеңири форматта өттү.
Сүйлөшүүлөр соода-экономикалык байланыштарды бекемдөө, инвестициялык кызматташтык, транспорт-логистикалык маршруттарды өнүктүрүү жана маданий-гуманитардык өз ара аракеттенүү маселелерин камтыды.
Жолугушуунун жүрүшүндө Кыргызстан менен Пакистан ортосундагы достук мамилелерди дагы бекемдөө жана ар кандай деңгээлде туруктуу өз ара аракеттенүүнүн зарылдыгы белгиленди.
Садыр Жапаров жана Асиф Али Зардари жетишилген макулдашуулар эки мамлекеттин ортосундагы мамилелердин өнүгүшүнө түрткү берет жана көп тараптуу кызматташтыкты бекемдөөнүн маанилүү кадамы болот деп үмүттөнүштү.
Жолугушуунун аягында Пакистан президенти Кыргызстанга Шанхай кызматташтык уюмунун төрагалыгында ийгилик каалады. ```
