Маалыматка ылайык, окуя 5-декабрда, саат 21:00 чамасында Баткендеги Т.Садыков көчөсүндө болгон. 46 жаштагы Баткен районунун тургуну Ж.К. жөө жүргүнчүлөр өтүүчү жолдон өтүп жатканда, күмүш түстөгү «Mercedes-Benz» унаасы тарабынан урунган.
Наезддан кийин айдоочу жабырлануучуну унаасынын арткы отургучуна отургузуп, айланып өтүп, И. Раззаков көчөсү аркылуу белгисиз тарапка качып кеткен.
Эртеси, 6-декабрда, саат 09:30 чамасында, Ж.К.нын денеси жолдун четинен табылган.
Бул окуя Баткен облусунун Ички иштер башкармалыгынын оперативдик борборунун видеокөзөмөл камералары тарабынан катталган. Полициянын оперативдик аракеттеринин натыйжасында күмүш түстөгү «Mercedes-Benz» жана анын айдоочусу, 26 жаштагы А. уулу Н. Баткендеги автотүзүлүштөр базарында табылган. Ал кармалып, убактылуу кармоочу жайга киргизилген», - деп айтылат билдирүүдө.
Учурда тергөө иштери уланууда.
