Ал санитардык нормалар боюнча, эгер билим берүү мекемесинде катышуу деңгээли жалпы окуучулардын 30% дан төмөн болуп кетсе, мындай мекеме убактылуу жабылып, карантинге алынарын түшүндүрдү.
«Оорулуулардын көбөйүшүнүн натыйжасында, аймактагы кээ бир билим берүү мекемелери дистанциялык окутууга өттү. Атап айтканда, Кара-Кулда төрт бала бакча жабылды, ал эми Тогуз-Тородо — 12 мектеп жана 14 бала бакча. Карантин 15-декабрга чейин күчүндө болот. Башка райондор жана шаарларда абал туруктуу жана медициналык кызматтар тарабынан көзөмөлдөнүүдө», - деп кошумчалады Ш. Эргешов.
Жалал-Абад облусунун оорулардын алдын алуу жана эпидемиологиялык көзөмөл борборунун ден соолукту чыңдоо бөлүмүнүн начальниги Парикан Эшенкулова өткөн жумада оорулуулардын пикин байкаганын белгиледи.
«28-ноябрдан 4-декабрга чейин облус боюнча 3 055 жаңы инфекция катталды. Ооругандардын негизги бөлүгү — 14 жашка чейинки балдар. Мисал үчүн, өткөн жылдын ушул мезгилинде болгону 472 учур катталган. Бул өткөн жылга салыштырганда 6,5% га көбүрөөк», - деп билдирди П. Эшенкулова.
Ал ошондой эле грипп жана ОРВИ вирусунун аба аркылуу тараларын, ал эми билим берүү мекемелериндеги балдардын жогорку концентрациясы инфекциянын тез жайылышына шарт түзөрүн кошумчалады. Бул жагдайда адис калкты маска кийүүгө жана гигиеналык нормаларды сактоого чакырды, бул инфекцияны жугузуу коркунучун кыйла төмөндөтөт.
