2025-жылдын 9-декабрында өткөн жыйында Министрлер кабинети жогорку окуу жайлары, ошондой эле жогорку окуу жайынан кийинки жана орто кесиптик билим берүү мекемелеринин окуу жылын баштоо мөөнөттөрүн жөнгө салуучу жаңы №790 токтомду кабыл алды.
Бул документке ылайык, эми аталган билим берүү мекемелеринде окуу жылын баштоо даталарын белгилөө укуктуу мамлекеттик орган тарабынан жүргүзүлөт. Бул чара билим берүү процессин көбүрөөк ийкемдүү пландаштырууга жана анын өткөрүү мөөнөттөрүн оптималдаштырууга багытталган.
Окуу планында билим берүү узактыгы, окуу жылын аяктоо даталары, жумалык жүктөм, экзамен сессияларынын узактыгы жана каникулдар, ошондой эле практика түрлөрү боюнча мамлекеттик билим берүү стандарттары катуу сакталат.
Бул токтом расмий жарыяланган күндөн он күн өткөндөн кийин күчүнө кирет.
