Эми иш-чара 2026-жылдын 20-мартынан 10-апрелине чейин өтөт.
Айыл чарба каттоосу он жылда бир жолу өткөрүлүп, өлкөнүн агрардык секторунун абалы жана структурасы жөнүндө толук жана так маалыматтарды чогултууга багытталган ири статистикалык окуя болуп саналат.
Министрлер кабинетинин маалыматы боюнча, маалыматтарды чогултуунун натыйжалары эффективдүү агрардык саясатты иштеп чыгуу, азык-түлүк коопсуздугун жогорулатуу жана айылдык региондордун туруктуу өнүгүшү үчүн маанилүү инструмент болот.
Каттоо учурунда төмөнкү негизги көрсөткүчтөр боюнча так маалыматтар чогултулат:
- бардык менчик формалары боюнча айыл чарба ишканаларынын жана чарбаларынын структурасы жана саны;
- айыл чарбасындагы өндүрүштүн түрлөрү жана көлөмдөрү;
- жер, эмгек жана материалдык ресурстарга жеткиликтүүлүк;
- жаныбарлардын жана үй канаттууларынын саны;
- фермердик чарбаларды жүргүзүүнүн өзгөчөлүктөрү жана механизация деңгээли.
Каттоонун жыйынтыгы 2026-жылдын апрель айында чыгат деп күтүлүүдө.
