Бишкекте "Мурас" аттуу салттуу футбол турниры өттү, ага Кыргыз Республикасынын президенти Садыр Жапаров катышты. Ал бул мелдештердин өлкөнүн коомдук жашоосундагы маанилүүлүгүн белгиледи.
Мамлекет башчысы биринчи турнир 2021-жылы кыргыз футболунун жүз жылдыгына арналганын, анда алты команда катышканын айтты. Бул жылы катышуучулардын саны 16га жетти.
Турнирдин негизги максаты активдүү жашоо образын популяризациялоо, жарандарды спорт менен алектенүүгө тартуу жана ар түрдүү мамлекеттик мекемелер арасында биримдикти бекемдөө.
"Аймактар" командасы турнирдын жеңүүчүсү болуп, 400 миң сомдук сыйлык алды. Экинчи орунду "Президенттин командасы" 300 миң сомдук сыйлык менен ээлесе, үчүнчү орунду "Ден соолук" командасы 200 миң сом менен алды.
Турнирдин жыйынтыгы боюнча мыкты оюнчу "Ыйман" командасынан Эрик Молдокулов, мыкты бомбардир "Ден соолук" командасынан Нурлан Турусбеков, ал эми "Аймактар" командасынан Нурбек Алимов мыкты дарбазачы деп табылды.
