Эпидемия маалынан бери лабораториялык жактан 2562 грипп учурлары тастыкталды, негизинен бул А (H3N2) вирусу, Гонконг гриппи деп аталат, медициналык кызматкерлерге жакшы тааныш. Мындан тышкары, ушул мезгилге мүнөздүү башка респиратордук вирусар дагы айланып жатат.
Эпидемиологиялык кырдаал билим берүү процессине таасирин тийгизди: өлкөнүн он аймагында 97 мектептеги 317 класс убактылуу алыстан окутууга өттү.
Ошол эле учурда саламаттык сактоо системасы өз чараларын күчөтүүдө. Баштапкы медициналык-санитардык жардам деңгээлинде 1143 мобильдик бригада иштеп жатат жана 638 жүктү аялдарга жана балдарга арналган 1517 фильтр-кабинет уюштурулган. Тез жардам үчүн 684 кабинет даярдалган, ал эми калкка консультациялык колдоо 1057 кол-центр аркылуу көрсөтүлөт.
Саламаттык сактоо министрлигинде эпидемиологиялык кырдаалдын туруктуу мониторинги жүргүзүлүп, бардык зарыл чаралар кабыл алынгандыгын белгилешет.
Ошондой эле адистер вирус инфекцияларынын өсүшү учурунда негизги профилактикалык чараларды сактоонун маанилүүлүгүн эскертишет: колдорду туруктуу жуу, жайларды желдетүү, адамдардын топтолушунан качуу жана оорунун биринчи белгилери пайда болгондо дарыгерге кайрылуу.
