16-декабрда Ош шаарында мэр Женишбек Токторбаев, шаардык кеңештин төрагасы Болот Баетов жана Ош шаарынан Элдик курултайга делегаттар катышкан жыйын өттү.
Мэриянын маалыматы боюнча, мэр курултайга бараткан 40 делегатка ийгилик каалап, шаардагы маанилүү маселелер талкууланып, чечилет деген үмүтүн билдирди.
Жыйында делегаттар пикир алмашып, актуалдуу маселелерди талкуулашты.
Эскерте кетсек, IV Элдик курултай 25-26-декабрда Бишкекте өтүп, региондордон келген делегаттар өз аймактарындагы көйгөйлөрдү президентке түздөн-түз жеткире алышат. ```
