Коштошуу аземине шаар башчысы жана шаар кеңешинин төрагасы катышты
Ош шаарында трагедиялык өрттөн улам өмүрүн жоготкон аял жана анын беш баласынын жерге берүү аземи өттү.
Ош шаардык мэриясынын маалыматы боюнча, аземде шаар башчысы Женишбек Токторбаев жана шаар кеңешинин төрагасы Болот Баетов катышты. Алар атага көңүл айтып, бул кыйын учурда күч-кубат жана сабыр тилешти.
Мындан тышкары, каза болгондордун туугандарына керектүү жардам берилери маалымдалды.
Эскерте кетсек, трагедия 22-октябрда таңкы сааттарда Ош шаарындагы Орозбеков көчөсүндөгү турак үйдө орун алып, 34 жаштагы аял жана анын 13, 11, 9, 6 жана 2 жаштагы беш баласынын өмүрүн алган. Бул учурда үй-бүлөнүн башчысы Республика Кореяда иштеп жаткан.
Сүрөт www
