Бириккен комитеттин төрагасы Улан Примов депутаттык топторго биринчи вице-спикердин кызматын жана эки вице-спикерди түзүү сунушу жөнүндө мурда маалымдаган.
Кызмат ордуна талапкерлер төмөнкүдөй аныкталды: "Элдик" тобу Чингиз Ажибаевди биринчи вице-спикер кызматына сунуштады, ал эми "Адилет Кыргызстан" тобу Жылдыз Таалайбек кызын вице-спикер кызматына көрсөттү. "Мекенчил" тобу Карим Ханджезди ошол эле кызматка талапкер катары сунуштады.
Счеттук комиссиянын төрагасы Кубанычбек Самаковдун маалыматы боюнча, жашыруун добуш берүүнүн жыйынтыктары төмөнкүдөй бөлүштүрүлдү:
- Чингиз Ажибаев 82 "колдойт" жана 5 "каршы" добуш алды;
- Жылдыз Таалайбек кызы - 85 "колдойт" жана 2 "каршы";
- Карим Ханджез - 73 "колдойт" жана 8 "каршы";
- 6 депутат добуш берүүгө катышкан жок.
