Конституциялык мыйзам чыгаруу, мамлекеттик түзүлүш, жергиликтүү өз алдынча башкаруу жана Регламент боюнча комитеттин төрагасы болуп №10 округду көрсөтүп жаткан Курманкул Зулушев шайланды. Анын кандидатурасы «Мекенчил» депутаттык тобу тарабынан сунушталган. Шайлоодо 57 депутат аны колдосо, 26 депутат каршы добуш берди, 2 депутат добуш берүүдөн баш тартты.
Эл аралык иштер, коргоо, коопсуздук жана миграция боюнча комитеттин төрагасы болуп №5 округдан «Адилет Кыргызстан» тарабынан көрсөтүлгөн Эльдар Сулайманов шайланды. Ал 82 добуш «колдойт» жана 3 добуш «каршы» алды.
Агро саясат, суу ресурстары, жер казынасын пайдалануу, экология жана айлана-чөйрөнү коргоо боюнча комитетти №25 округдан «Адилет Кыргызстан» тарабынан көрсөтүлгөн Бакыт Тентишев баштайт. Анын кандидатурасына 80 депутат добуш берсе, 5 депутат каршы болду.
Илим, билим берүү, инновациялык өнүгүү, маалыматтык технологиялар, маданият, спорт жана жаштар иштери боюнча комитеттин төрагасы болуп №20 округдан «Мекенчил» тарабынан көрсөтүлгөн Токтобубу Ашымбаева шайланды. Ал 81 депутаттын колдоосун алды, 4 депутат каршы добуш берди.
Өнөр жай саясаты, транспорт, отун-энергетикалык комплекси, архитектура жана курулуш боюнча комитетти №21 округдан «Ата-Журт» тарабынан көрсөтүлгөн Куванычбек Конгантиев баштайт. Анын колдоосун 83 депутат билдирди, 2 депутат каршы добуш берди, 2 депутат шайлоодо катышкан жок.
Каржы, бюджет, ишкердик жана атаандаштыкты өнүктүрүү боюнча комитеттин төрагасы болуп №6 округдан «Элдик» тарабынан көрсөтүлгөн Алтынбек Кудайбердиев шайланды. Анын кандидатурасы 84 добуш менен колдолду, 1 депутат каршы болду.
Сот-укуктук маселелер, укук тартиби, кылмыштуулукка каршы күрөш жана коррупцияга каршы аракеттенүү боюнча комитеттин төрагасы болуп «Ала-Тоо» тарабынан көрсөтүлгөн Болотбек Борбиев шайланды. Анын колдоосун 82 депутат алды, 3 депутат каршы болду.
Эмгек, саламаттык сактоо, аялдар иштери жана социалдык маселелер боюнча комитетти Гулсункан Жунушалиева баштайт, ал «Мекенчил» депутаттык тобу тарабынан көрсөтүлгөн. Ал 81 добуш «колдойт» жана 4 «каршы» добуш алды.
