Император Нарухито кыргыз мамлекетинин башчысына жылуу кабыл алуу көрсөтүп, бул визиттин эки тараптуу мамилелердин өнүгүшү үчүн канчалык маанилүү экенин белгиледи.
Президент Жапаров, өз кезегинде, кыргыз эли япон элине терең урмат-сый жана симпатия сезимдерин билдирип, алардын бай маданиятын жана салттарын жогору баалаарын айтты.
Мындан тышкары, Кыргызстан башчысы Осаканын 2025-жылдагы Дүйнөлүк ЭКСПО көргөзмөсүн ийгиликтүү өткөрүүнү жогору баалап, Кыргызстандын Улуттук павильону "Турмуш мүмкүнчүлүктөрүн кеңейтүү" категориясында алтын медаль алды деп белгиледи.
Садыр Жапаров япон технологиялары жана билим берүү инициативаларынын Кыргызстанды социалдык-экономикалык өнүктүрүү үчүн маанилүүлүгүн баса белгилеп, жаңы муун мамлекеттик кызматкерлерин даярдоого көмөк көрсөтүүчү Япониянын стипендиялык программасын белгиледи.
Ошондой эле, ал кыргыз жаштарынын япон тилине жана маданиятына болгон кызыгуусунун өсүп жатканын белгилеп, өлкөнүн төрт университетинде 700гө жакын студент япон тилин жана японоведени окуп жатканын айтты.
Президент Императордун суу ресурстары боюнча илимий жетишкендиктерин урматтап, тоо региондорун туруктуу өнүктүрүү боюнча мындан аркы кызматташууга кызыгуусун билдирди. Акырында, ал Император Нарухитону 2027-жылы өтө турган "Бишкек+25" Экинчи Глобалдык Тоо Саммитине катышууга чакырды.
Жолугушууну жыйынтыктап, Садыр Жапаров жылуу кабыл алуу үчүн ыраазычылык билдирип, Император Нарухитону Кыргызстанга каалаган убакта келүүгө чакырды.
