Бул жылы майрамга республика боюнча ар кайсы бурчтардан 1 100 жаш конок чакырылды. Чакырылгандардын арасында окуудагы мыкты жетишкендер, олимпиадалардын жана эл аралык конкурстардын жеңүүчүлөрү, ошондой эле балдар үйүнүн тарбиялануучулары, укук коргоо органдарынын кызматкерлеринин жана кызматтык командировкаларда каза болгон аскер кызматкерлеринин балдары, ошондой эле аз камсыз болгон үй-бүлөлөрдүн балдары жана мүмкүнчүлүгү чектелген балдар болду.
Майрамдын алкагында балдар "Кесиптер шаары" аттуу театралдык-музыкалык көрсөтүүгө күбө болушту, аны балдар бий тобунун таланттуу катышуучулары даярдашкан. Иш-чаранын аягында президент Садыр Жапаровдун атынан бардык балдарга белектер тапшырылды.
Президенттин администрациясынын сүрөтү.
