Бул маалымат президенттин өкүлчүлүгү тарабынан берилди.
Өкүлчүлүктүн маалыматына ылайык, балдар бүгүн жаңы жылдык шыршага барышты.
«Майрамга келген 60 катышуучунун арасында жети бала — окууда отличник. 34 бала жарым жесир жана толук жесир, үчөө мүмкүнчүлүгү чектелген, ал эми 12 бала аз камсыз болгон үй-бүлөлөрдөн. Ошондой эле кызматтык милдеттерин аткарууда каза болгон аскер кызматкерлеринин эки баласы жана спорттук мелдештерде жеңишке жеткен эки бала да катышты. Алар Бишкекке майрамга катышуу үчүн келишти, аларды Жалал-Абад облустук билим берүү методикалык борборунун адиси Мира Акбарова жана Сузак райондук билим берүү бөлүмүнүн кызматкери Асан Эрмеков коштоп жүрдү», — деп айтылат маалыматта.
Мындан тышкары, жакынкы күндөрдө Манас шаарында дагы бир жаңы жылдык шырша уюштурулат, ага облусунун ар кандай райондорунан жана шаарларынан 150 бала катышат деп күтүлүүдө.
