Иш-чарага ден соолук мүмкүнчүлүктөрү чектелген 100 бала, алардын ата-энелери жана борбордун кызматкерлери катышты.
Борбордун жетекчиси Роза Садирова билдиргендей, бул майрам жыл сайын өткөрүлөт.
«Биз бүгүнкү майрам менен борбордо реабилитациядан өтүп жаткан 70 баланы жана бизге сырттан келгендерди куттуктадык. Ар бирине өзгөчө көңүл бурулат. Эртең жергиликтүү бийлик өкүлдөрү да балдарды куттуктап, аларды Бабур атындагы драма театрына чакырышат. Ал жерде да майрамдык иш-чара өтөт. Бирок биз майрам менен эле чектелбейм. Биздин өзгөчө балдарыбыздын социалдык адаптациясы үчүн педагогикалык, медициналык жана психологиялык иштер жүргүзүлөт. Биздин борбор түштүк региондогу жалгыз. Бизге Ош шаарынан гана эмес, башка облустардан да келишет», - деди ал.
