Алар суук түшкөндөн кийин коомдук транспорттун абалы кыйла начарлаганын билдиришти. Эгер мурун маршруттук таксилер үзгүлтүк менен иштесе, азыр алар дээрлик жок. "Балдар мектепке жетүүдө кыйынчылык көрүшүүдө, 4 км аралыкты басып өтүү кыйын, адамдар жумушка кечигип жатышат", - деп айтып беришти жергиликтүү тургундар.
Бул боюнча алар президент Садыр Жапаровдон жардам сурашты.
Кыргыз Республикасынын Транспорт жана байланыш министрлигинин маалымат кызматына ылайык, 23-декабрда Чүй-Бишкек облустук башкармалыгынын адистери аталган айылдардын тургундары менен жолугушту. Жолугушуунун натыйжасында маршрут №366ны тейлеген ОсОО "Восток-Запад Транзит" компаниясы линияга дагы бир автобус кошту. Эми маршрутта бир эмес, эки автобус иштеп жатат.
