Бул арыздарга жооп катары Госагенттиктин өкүлдөрү кагаз түрүндө сунушталууга тийиш болгон бир катар документтер бар экенин түшүндүрүштү.
Маалыматка ылайык, электрондук архивди түзүү үчүн төмөнкү документтерди сканерлөө керек: арыз берүүчүнүн жеке күбөлүгү, кыймылсыз мүлккө укукту жана ага укуктун чектөөлөрүн тастыктаган документтер, ыйгарым укуктар, юридикалык жактар үчүн негиздөөчү документтер, ошондой эле кадастрдык жана курулуш пландары, тиешелүү органдардын чечимдери, жубайлардын макулдуктары жана үй-бүлөлүк абал тууралуу маалымдамалар. Бул талаптар кыймылсыз мүлккө укуктарды мамлекеттик каттоо, укуктардын чектөөлөрү жана алар менен жасалган келишимдер боюнча 213-пунктта жазылган.
Граждандык-укуктук келишимдер үчүн паспорт, нике же ажырашуу тууралуу күбөлүк жана өлүм күбөлүгү сыяктуу документтердин электрондук көчүрмөлөрүн колдонууга уруксат берилет, эгерде алар "Тундук" тиркемеси аркылуу берилсе. Генералдык ыйгарым менен иш алып барган жарандар үчүн да, учурдагы нормаларга ылайык, анын көчүрмөсү берилет.
Агенттикте ыйгарым укуктар көп учурда кайтарылып берилгендиктен, документтерди калыбына келтирүү жана алардын көчүрмөлөрүн архивде сактоо маанилүү экенин баса белгилешти. ыйгарым укуктардын көчүрмөлөрүн туруктуу сактоо да зарыл.
Кыймылсыз мүлккө болгон камсыздандыруу полиси бир жылга берилет, ал эми полистин оригиналы укук ээси үчүн өткөрүлөт. Полистин көчүрмөсү келечектеги текшерүүлөр үчүн архивдик материал катары катталат. Азыркы учурда техникалык чектөөлөрдүн себебинен камсыздандыруу полисинин көчүрмөсүн маалымат базасына жүктөө мүмкүн эмес, бул болсо келишим учурунда кагаз нускасынын болушун талап кылат, деп белгилешти адистер.
